362 quilos recollidos no segundo partido solidario do Santiago Futsal.
En colaboración co banco de alimentos de Santiago, o club compostelán recolleu 362 quilos de alimentos no partido do pasado sábado ante o Besoccer Uma Antequera. Alimentos como o aceite, azucre, leite, fariña e cacao en po foron os máis depositados polos asistentes ao encontro, que unha vez máis responderon a chamada solidaria do club.
Grazas ao compromiso dos seus afeccionados, e por segunda vez esta temporada tras colaborar co banco de alimentos Balrial o pasado mes de outubro, o club achegou o seu granito de area a esta entidade que leva desde 2016 loitando contra a escaseza de alimentos e que ten a súa base no polígono do Tambre.
Desde o Santiago Futsal lembramos
que para colaborar con esta asociación pódense dirixir aos teléfonos 981 58 61
81 / 626 65 81 10 ou ben ao correo santiago@fegaban.es.